Skúli fógeti

Forsíða

Kæri Skúlabróðir,
Fundur verður settur í Stúkunni nr. 12 Skúla fógeta föstudaginn 27 janúar kl 19.30. Að fundi loknum skundum við á þorrablót og Skúlabræður eru hvattir til að taka með sér gesti. Mætum vel og höfum góða skapið með. Skemmtinefnd leggur mikinn metnað í að gera þetta veglegt og eftirminnilegt blót. Dagskrá er sem hér segir. Brýnum hugann í rímnaleik, og setjum saman stöku, helst sem tengist þorra. Vegleg verðlaun í boði.

Þorrablótið verður haldið í Skipholti 70 sem kallast Hús Meistaranna 2 hæð.

Blótið hefst stundvíslega kl: 21:00

Sætaferðir verða úr Vonarstræti í Skipholtið, bræðrum að kostnaðarlausu.

Tekið verður á móti bræðrum í Skipholtinu með ísköldum snafs á meðan þeir reiða af hendi
sanngjarnt verð fyrir matinn kr: 4.500

Pungum, kjömmum, hákarli og fleiru sælgæti verða síðan gerð skil, undir öruggri stjórn
starfandi fyrrum meistara Heiðars Friðjónssonar blótstjóra.

Að loknu borðhaldi verður tekið til við kjammakastið geysivinsæla, þar sem bræður geta
att kappi hvor við annan og sýnt að þeir geti haldið haus.  Í boði eru glæsileg verðlaun.

Hvatt er til ferða á barinn allt kvöldið þar sem þar má fá guðaveigar á sanngjörnu verði
fram eftir nóttu.

Úrslit verða kynnt úr stökukeppni bræðra og vegleg verðlaun veitt fyrir bestu stökuna.

Að sjálfsögðu verður síðan fjöldasöngur stundaður stanslaust allt kvöldið og
fram á morgun, þar sem Skúlabræður eru annálaðir söngmenn.

Látið ekki happ úr hendi sleppa.